الجزائـــــــــر فداك يا فلسطيــــــــــــن
أهلا وسهلا بكل حرٍ وحرة ’أهلا وسهلا بكل قلم لا يخط إلا للواجب,اهلا وسهلا بصوتٍ لا يصدح إلا للحق و بنفس لا تطيب لا من الطيبِ,أهلا و سهلا بجميع رواد هذا المنتدى.


هذا المنتدى مساحة لجميع الاحرار في هذا العالم للتعبير عن أنفسم للتضامن مع احرار أخرين حيثما كانوا, فأهلا وسهلا لكل الاحرار
 
الرئيسيةاليوميةس .و .جبحـثقائمة الاعضاءالمجموعاتالتسجيلدخولالبوابة
تابعوا اخر الاخبار الخاصة بمباراة الجزائر فلسطين بعد غد الاربعاء بملعب 5 جويليه بالجزائر العاصمة

المباراة منقولة على قناة فلسطين الرياضية وعلى قناة الجزائرية الثالثة و قناة بين سبور العربية

مالك أبو الرب يدون أسم فلسطين بالذهب في بطولة العالم للتايكوندو

البث الجديد للقناة الرياضية بجودة أفضل بـ 6 مرات عن بث فلسطين مباشر , حيث أن التردد الجديد للقناة بحجم 6MB , بينما تردد فلسطين مباشر 1MB
بحـث
 
 

نتائج البحث
 
Rechercher بحث متقدم
المواضيع الأخيرة
ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
.
الله يعمى عنى السكاكين بجاه هاليوم المبارك
Animated_sheep_praying_lg_clr.gif (156×195)
يا خسارة شبـــــــــابي
sheep.gif (120×120)

شاطر | 
 

 قصيدة حب باللهجة الجزائرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فارس الإسلام
عضو مشارك
عضو مشارك


عدد المساهمات : 14
نقاط : 36
تاريخ التسجيل : 14/03/2011

مُساهمةموضوع: قصيدة حب باللهجة الجزائرية   الجمعة أبريل 01, 2011 7:05 am






لله احكيلي على الحب وقولي برك وين نلقاه


راح نحاول باش نجاوب كيفا ش انا نشوف معناه

ودير في بالك هاذ الحب مراكش وحدك حاصل معاه

شحال من واحد راه يتعذب والحل ديالو مزال ما لقاه

مايفيدوش معاه تجارب مايفيد ملك ولا جاه

إشحال طوع من محارب وحسرة شحال من فارس بكاه

شحال مسلطان عشى مذبذب سمح في ملكو وراح معاه

شحال من بيت عشى رايب دخل فرق ناسو وخلاه

وحصرا شحال من واحد هرب وخلى ولادو يبكو موراه

شحال من شاب شحال من شايب شحال من واحد الحب عماه

لحق حتى ولا يضرب ولادو ،زوجتو أو يمّاه

يالي سألتني على الحب على ما نضن والعلم لله

قلبك هو اللّي راه مخرب وما راكش عارف حتى وين راه

دير في بالك ذاك الحب الي يهرب و تجري موراه

و لما يجري أنت تهرب عمرك ما راح تتلاقى معاه

على خاطر هذاك لعب مديور للي يتبع هواه

ما تنال منو غير التعب ديرو كيما خيالك و انساه

فرغ قلبك و عاود رتب و خلي عقلك يخدم معاه

و قبل ما تحب لازم تحسب باش كي تمدو تمدو لمولاه

هيا نبداو من أول حب ….أول حب هو الله

الي عطالك هذاك القلب الي راك تحوس باش تملاه

و لوكان برك ليه تقرب أقرب منك رايح تلقاه

كلما تحصل قولو يا رب وهو يقولك راني الاه

و بعدو يجي ثاني حب هو حبيبنا و حبيب الله

عليه الصلاة و السلام تعب باش صفى قلبك او نقاه

حبو عليا و عليك واجب سعدو الواحد للي بغاه

يحشر المرئ مع من احب تخيل روحك قاعد معاه

و من بعدو يجي ثالث حب أنه الواحد يحب يماه

تسع شهور و هو يتقلب وهي مسكينة تتقلب معاه

سنين و سنين و هي تتعذب وين يطيح يلقاها حداه

حتى نهار يولي شايب يبقى طفل في عيون يماه

ومن بعدها يجي رابع حب أنو الواحد يحب باباه

لأنه خرج من بين الصلب و الترائب الي جواه

شحال شقى و شحال تعذب باش كبر و باش رباه

ابن ادم وكل ما كسب هو ومالو ملك له

و من بعد خامس حب هو الشريك لي تعيش معاه

دير في بالك نهار تتحاسب نصف الدين هو تلقاه

تعيش معاه بلي كتب و تتقاسمو كل شي انت وياه

وتتعاشرو و معاه تنجب طفل صغير لعقايب تلقاه

وهذاك الطفل سادس حب ماتحبش ولد دون سواه

سبعة داعب و سبعة أتعب و سبعة صاحب دور معاه

ومن بعد يجي سابع حب من رحم واحد انت وياه

خوك خوك لايغرك صاحب حتى الصاحب في الشدة تلقاه

وهذاك الصاحب ثامن حب تتقاسمو كل شي انت وياه

تتعاشروا فالخير والواجب يظللكم ربي انت وياه

وتاسع حب هوما الأقارب الرحم ديالك ما تنساه

ومن بعد يجي عاشر حب جارك الي تسكن حداه

والمريض لي راه يتعذب دقيقة واحدة اقسمها معاه

طل عليه إذا كان تحب ربي سبحانه ثم تلقاه

او اليتيم الي فقد الأب ولا حتى الي فقد يماه

امسحلو راسو وابدا تحسب في كل شعرة أجر تلقاه

والفقير الي ما كسب و الي ما لحقش قوت عشاه

واش راك تاكل واش راك تشرب ؟ يالوكان خبزة اقسمها معاه

ومن بعدهم تقدر تحب كل مومن في طريقك تلقاه

لانو ربي سبحانو كتب المومنين خاوة في الله

يالي سالتني على الحب بالنسبة ليا هذا معناه

ايلا ما عجبكش الله غالب روح تحوس وين تلقاه




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
amine al shushturi
عضو مشارك
عضو مشارك


عدد المساهمات : 10
نقاط : 12
تاريخ التسجيل : 01/03/2011

مُساهمةموضوع: رد: قصيدة حب باللهجة الجزائرية   الإثنين أبريل 04, 2011 8:01 am

رائعة جدا هكذا الحب و الا فليس للحب معنى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة حب باللهجة الجزائرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الجزائـــــــــر فداك يا فلسطيــــــــــــن :: قـضـايـا ثقـافيـة :: أدب ,شعر و خواطر-
انتقل الى: